SCIRIFICUS

SCIRIFICUS

in Africa, Abdulacô ultimô Merinae gentis occisô, regnum rapuit: postea ipse a Saido ex Oatarenorum familia regnô Fezzae exutus est, quod hic cum posteris tenuit. Huius dein regnum rursus evertit Scirisicus Hascenes humili locô natus, verum vafer, Philosophiae vel Magiae potius studiis deditus. Hic genus suum ad priorem Scirificum Mahometem referens affectatâ sanctimoniâ plebem in suas partes pertraxit: utque filios ei cariores redderet, illos Mecham ad visendum Mahometis sepulchrum misit: reduces cum Mahometi Fessano Regi commendâsset, is alterum Hametem, in Schola Modoracensi cathedrâ donavit, alterum Mahometem filiorum suorum Praeceptorem instituit. Mox pater, sub praetextu Lusitanos pellendi, filiis militem colligendi facultate praefecturisque impetratis, illos in tantum auxit, ut Rege victô et trucidatô sceptrum tandem in se transtulerint, A. C. 1550. Vide Thuan. Hist. l. 5.